તા.૧૩/૦૧/૨૦૧૨ના રોજ જીલ્લા શિક્ષણ અને તાલીમા ભવન -પાટણ ખાતે સર્વ શિક્ષા અભિયાન મિશન અને ગુજરાત શિક્ષણ વિભાગ દ્વારા '' પુસ્તક મેળા''નું આયોજન કરવામાં આવ્યું હતું.જેમાં સમી-૨ સી.આર.સી.ની તમામ પાંચે શાળાઓએ બનાવેલ ૧૧ સભ્યોની સમિતિ સેન્ટર વતીથી પુસ્તકોની પસંદગી કરી હતી.
મેળામાં સમી તાલુકાને એન્ટર થવાનો સમય ૧૩:૦૦ કલાકનો હતો અને બરાબર તે જ વખતે માં.જીલ્લા પ્રાથમિક શિક્ષણાધિકારી સાહેબશ્રી ,જીલ્લા પંચાયતના પ્રમુખશ્રી અને શ્રી કે.સી.પટેલ ડીરેક્ટર ગુજરાત એસ.ટી.નિગમ અને શ્રી ચંદુભાઈ જોશી પ્રમુખ રાજ્ય શિક્ષક સંઘ પણ ખાસ ઉપસ્થિત રહ્યા હતા.
રજીસ્ટ્રેશન કરાવી સી.આર.સી.કો.ઓર્ડીનેટર શ્રી હરિભાઈ પટેલ સાથે અકબરભાઈ સિપાઈ મુખ્ય શિક્ષક સમી કન્યા પ્રા.શાળા ન-૨,શ્રી અજીતભાઈ ગઢવી મુખ્ય શિક્ષક કઠીવાડા પ્રા.શાળા ,શ્રી હીરાભાઈ મકવાણા
ઉ.શિ.તારોરા પ્રા.શાળા અને દક્ષાબેન મકવાણા સમી કન્યા પ્રા.શાળા ન-૨ તેમજ ત્રણ વિદ્યાર્થી અને ત્રણ વિદ્યાર્થીનીઓ મળી કુલ અગિયાર જણની સમિતિએ ૪૫૦૦ રૂપિયાનાં પુસ્તકોની પસંદગી સેન્ટરની પાંચ શાળાઓ માટે કરી હતી.
પુસ્તકમેળાના ૧૫ વિભાગોમાંથી કુલ - ૪૦ પુસ્તકોની પસંદગી કરીને કાઉન્ટર પર સમિતિએ પોતાનો ઓર્ડર બુક કરાવ્યો હતો.
જો કે બાળકો અને શિક્ષકોએ પહેલાંન ભોજન લીધું હતું અને પછી પુસ્તકોની પસંદગી કરી હતી.આમ એકંદરે જીલ્લા દ્વારા ખુબજ સુંદર આયોજન હાથ ધરાયું હતું. જીલ્લાના વહીવટી તંત્રને આ પ્રસંગે ધન્યવાદ આપવા ઘટે.
'' દરરોજ વાંચનાર હોંશિયાર બને છે.''
''પુસ્તકો આપણા સાચા મિત્રો છે.''
ચાલો આવજો....... ફરી મળીશું નવી વાતો સાથે નવા દિવસે.............એ.... આવજો................
No comments:
Post a Comment