તા.૧૮/૦૧/૨૦૧૨ના રોજ સમી-૨ સી.આર.સી.ની કઠીવાડા પ્રાથમિક શાળાની SMC બેઠક અધ્યક્ષશ્રીની હાજરીમાં સી.આર.સી.કો.ઓર્ડીનેટરશ્રી હરિભાઇ પટેલની ઉપસ્થિતિમાં યોજાઈ ગઈ.જેમાં પણ ઉપરોક્ત એજન્ડાની વિગતવાર ચર્ચા કરવામાં આવી હતી. શાળા ને મેદાનની જરૂરીયાત છે તેમજ નવીન રૂમના બાધકામ માટે નવીન જમીનની જરૂરીયાત છે તે વાત ચર્ચાઈ હતી. તો શાળાના રૂમની નજીકથી પસાર થતા વીજના તાર ખસેડવાની વાત પણ કરવામાં આવી હતી અને જી.ઈ.બી.સમીને તેની જાણ કરવાની વાત કરી હતી.
નાનાજોરાવરપુરા SMC બેઠક
તા.૧૯/૦૧/૨૦૧૨ના રોજ નાનાજોરાવરપુરા પ્રાથમિક શાળાની SMC ની બેઠક અધ્યક્ષશ્રીની હાજરીમાં સી.આર.સી.કો.ઓર્ડીનેટરશ્રી હરિભાઇ પટેલની ઉપસ્થિતિમાં યોજાઈ ગઈ.જેમાં પણ ઉપરોક્ત એજન્ડાની વિગતવાર ચર્ચા કરવામાં આવી હતી.
આજની બેઠકમાં અહીં સાત ધોરણ વચ્ચે માત્ર ચાર જ વર્ગખંડ છે તો નવા વર્ગખંડ બનાવવા જગ્યા પણ નથી તો જમીન મેળવવા માટેનો મુદ્દો ખાસ ચર્ચાયો હતો અને એક અનામી દાતાએ બે વીઘા જમીન ખરીદવા માટેના ફંડની ગોઠવણ કરવાની ખાતરી આપી હતી હવે જમીન વેચાણ અથવા તો સરકારી અગુરમાં થી પ્રાપ્ત કરવાની વાત SMC એ હાથ ઉપર લીધી હતી.આ બેઠકની ફલશ્રુતિ કહી શકાય.
સમી SMC બેઠક
તા.૨૦/૦૧/૨૦૧૨ના રોજ સમી કન્યા પ્રાથમિક શાળાન-૨ ની SMC ની બેઠક અધ્યક્ષશ્રીની હાજરીમાં સી.આર.સી.કો.ઓર્ડીનેટરશ્રી હરિભાઇ પટેલની ઉપસ્થિતિમાં યોજાઈ ગઈ.જેમાં પણ ઉપરોક્ત એજન્ડાની વિગતવાર ચર્ચા કરવામાં આવી હતી.
આ બેઠકમાં સમી બી.આર.સી.કો-ઓર્ડીનેટરશ્રી સુરેશભાઈ ઠક્કર પણ હાજર રહ્યા હતા અને માર્ગદર્શન આપ્યું હતું.
સમી કન્યા પ્રાથમિક શાળા ન-૨ માં પાંચ વર્ગખંડ છે અને ૪૩૯ સંખ્યા છે. જેથી શાળા બે પાલીમાં ચાલે છે. વળી જગ્યાનો પણ અભાવ છે ત્યારે નવી જમીનની માગણી કરવાનો પ્રસ્તાવ આજની બેઠકમાં કરવામાં આવ્યો હતો. તો તા.૨૩/૧૨/૨૦૧૧ની STP વર્ગ ની સી.આર.સીની મુલાકાત અને તે દિવસે જ યોજેલ એ મફતપુરા પ્લોટ વિસ્તારના સમુદાયની મીટીંગ માં નક્કી થયા મુજબ સર્વે હાથ ધરવામાં આવેલ હતું અને ત્યાં ૩ થી ૫ વર્ષના આંગણવાડીમાં ન જતા બાળકોની સંખ્યા ૩૧ નોધાઇ છે જેથી આ વિસ્તારમાં સત્વરે ECCE શરુ કરવાની જરૂર હોઈને તે માટેની દરખાસ્ત કરવાની બાબત પણ આજના એજન્ડામાં ટોચની રહી હતી.
આમ એકંદરે ફળદાયી બેઠક રહી હતી બહેનોએ મધ્યાન ભોજનની ચકાસણી કરવા આવવાની જવાબદારી વહન કરવાની વાત સ્વીકારી હતી.
ઝીલવાણા SMC બેઠક
તા.૨૧/૦૧/૨૦૧૨ના રોજ ઝીલવાણા અનુપમ પ્રાથમિક શાળાની SMC ની બેઠક અધ્યક્ષશ્રીની હાજરીમાં સી.આર.સી.કો.ઓર્ડીનેટરશ્રી હરિભાઇ પટેલની ઉપસ્થિતિમાં યોજાઈ ગઈ.જેમાં પણ ઉપરોક્ત એજન્ડાની વિગતવાર ચર્ચા કરવામાં આવી હતી.
આબેઠકમાં શાળાને જરૂરી પ્રાર્થના હોલની બાબત ચર્ચાઈ હતી જેમાં દાન માટેની હાકલ કરવામાં આવતા જ બેઠક પૂર્ણ થયેથી એક દાતાએ રૂપિયા પચ્ચીસ હજારનું દાન આપવાની તૈયારી દર્શાવી હતી જે બેઠકની ફલશ્રુતિ કહી શકાય.
